《全民造星3十強 －每晚實時更新》今周進入第四回合淘汰賽，今日剛剛誕生首4強。較以往兩季更受歡迎，總決賽已定於12月26日舉行，其實十強名單早於11月尾已出爐只待12月中作正式公佈。而近日有傳由《造星3》幕後流出的終極十強名單在網上廣傳，入圍者分別係NY、ANSONBEAN、Mischa、CY、Alina、Kimman、KLau、Ben、陳葦璇及Cloud。對於十強名單被流出，監製花姐（黃慧君）冇否認到，只簡單回覆傳媒：「真定假唔會講啦！」
原文刊於《東方新地》
《全民造星3》十強誕生
ViuTV《全民造星3》進入第四回合淘汰賽，由20強名單再以全新賽制對決，彭秀慧、林二汶各抽一名參賽者，以一對一形式進行對決。
Zeno vs Mischa
Zeno被指情感豐富可惜技巧不足，評判更指出第一句已經唔知道Zeno唱乜；
Mischa獲黃詠詩大讚：「聽到你好盡情喺自己最有信心的領域下飛馳﹗」，火火也大讚她表演夠紮實﹗最後評判以一致以藍燈令Mischa一面倒勝出，成為首位成功殺入十強人馬。
NY(鍾諾言）vs 右雨
右雨以跳唱方式演譯〈I am not yours〉，身穿性感舞衣的右雨又跳又唱，花姐指陳柏宇看完表演後扁嘴，火火則膽心右雨的毛皮大衣會影響到右雨的表現，更覺得Dancer Energy 比右雨勁，欣宜指好想好喜歡右雨的演出，但一開的亮相唔夠好，不夠紮實；
NY跳唱出〈摩天動物園〉，導師彭秀慧睇到O晒嘴，監製花姐改唔住大讚：「連行路都有型過人﹗」火火喜歡NY的表演，各個評判都鼓勵NY繼續做想做的事。
最後獲得評判一班讚好，更以5比0擊敗對手右雨，NY成為第二位順利進入十強﹗
Manson vs Alina
Manson 表現失準，更有走音情況出現，火火更指出，如果你咁嘅表現都贏到，唯一原因會係你對手差過你，林曉峰指第一兩句已經覺得好難受。
Alina 以＜Like a Star>跳舞演出，欣宜覺得Alina 帶佢上了一個旅程，背後做了好多功夫；有評判覺得Alina 有好多可能性，火火在Alina 的表演上看到有心，放了真的感覺入表演內。
最後，Alina 以4比1進入十強﹗
方方 vs Kimman
方方以<666>唱歌及跳舞演出，火火好喜歡方方的表演，喜歡家暴的內容，朋友也好家暴樣;Jason 覺得方方唱得好好；林曉峰覺得方方好入戲。總體覺得方方表現好好。
Kimman放棄自己田園風格，以<我們的愛>唱歌應戰，欣宜看到Kimman 好緊張，但覺得好好睇；Jason 睇到佢特質，overall very good。
2個只能活一個，Jason 覺得2位都可以比到好好的contribution比樂壇。但最後Kimman 以5：0進入十強!
十強名單(不斷更新)
1.Mischa
2.NY
3.Alina
4.Kimman
傳《造星3》幕後流出終極十強名單
《全民造星3》口碑收視皆不俗，搞到無綫亦要變陣對撼，而ViuTV已定《造星3》總決賽於12月26日舉行，其實十強入圍名單早於11月尾已出爐只待12月中作正式公佈。但近日有傳由《造星3》幕後流出的終極十強名單在網上廣傳，分別係NY、ANSONBEAN、葉巧琳、CY、Alina、Kimman、KLau、Ben、陳葦璇及Cloud，而Manson同Timo都冇喺名單內。對於總決賽的十強名單被流出，《造星3》監製花姐（黃慧君）冇否認到，只簡單回覆傳媒話：「真定假，為咗觀眾，唔會講啦！可以話俾觀眾知，全民造星從來都冇造馬。」
