Saturday, June 19
Shadow

吳家樂進駐《愛回家》初戀Cafe 陸浩明C君客串? – on.cc東網

無綫處境劇《愛.回家之開心速遞》距離破《真情》1,128集紀錄愈嚟愈近,尋晚已經嚟到1,087集,劇情講到接龍集團為新威蓮閣餐廳開設自助餐,點知對家「地雷集團」嘅總裁雷洛(白彪飾)搵嚟世界級大胃王金家樂(吳家樂飾)踢館喪食,誓要拆佢哋「無限添食」嘅招牌!後來「大小姐」龍力蓮(林淑敏飾)就搵金家樂舊愛高栢菲(湯盈盈飾)去對家踩場,最終呢對舊情人兩敗俱傷,身體受罪!

金家樂最後更改邪歸正,喺龍力蓮招手下,去到佢旗下嘅初戀Cafe做主廚!其實吳家樂早喺801集就以「高栢菲前男友」呢個身份客串過,唔知今次係咪會正式入劇組,長駐《愛.回家》呢?

另邊廂,一直做開主持工作嘅陸浩明,喺社交網上載一張拎住《愛回家》第1,124集劇本嘅相,寫上:「愛回家Day 1 點解嘅?」遠處疑似有林淑敏及歐瑞偉嘅身影,之後佢又上載另一張影住「開心速遞陸浩明」嘅相,又話:「係亂入嗎?」而咁啱得咁橋,Terry(李偉健飾)又晒出同C君合照,留言:「C君😍😍😍超級搞笑高手~」唔少網民都追問C君係咪會客串:「難道這位就是傳說中的Joe?」真係令人期待呀!

Leave a Reply

Your email address will not be published. Required fields are marked *