Saturday, March 6
Shadow

菊梓喬呆坐半空20分鐘等唱歌衣衫單薄凍到頭痛 – on.cc東網

歌手菊梓喬(Hana)為《歡樂滿東華2020》演出,她被安排坐在3、4層樓高的透明膠板上獻唱,期間在半空等候了近20分鐘,才論到她出場,她受訪時坦言唔驚:「但好凍,我覺得唔高,可以再高啲。綵排時有啲驚,正式演出喺半空見到阿姐(汪明荃)寫大字,成個畫面好靚,覺得幾好玩。」衣衫單薄的她直言事後有點頭痛:「可能凍親,我冇預備要上去,所以件衫有啲薄,如果知道要上去,會着番件套裝。」

最近香港爆發第4波新冠肺炎,開場時眾人在台上未有戴口罩,問她會否擔心?她表示:「我冇乜呼吸、冇乜講嘢。係聽到其他人講嘢忍唔住笑。周柏豪都要喺空中唱歌,佢話好驚,但佢又要型,所以佢選擇企喺度唱,我就坐喺度唱。」Hana指現場設有消毒機械人,公司又吩咐藝人在演出以外要戴上口罩,她在煮食環節也有戴口罩,所以不太擔心:「其實上次做完台慶騷都有做檢測,今次完騷都應該會再做檢測。」

Leave a Reply

Your email address will not be published. Required fields are marked *