Saturday, February 27
Shadow

爸爸講心事| 陳茵媺三年抱三話咁易陳豪親述一行埋就有之謎 – 香港蘋果日報

陳豪與陳茵媺(Aimee)結婚7年,3年抱3,育有2子1女,分別6歲、5歲和4歲。有心有力的陳豪日前與王浩信、鄭丹瑞(旦哥)接受伍詠薇和林盛斌(Bob)主持的訪談節目,3位爸爸大談子女經,Bob連聲讚陳豪厲害,陳豪即面紅尷尬說:「唔係刻意,不過一行埋就有……」談到子女間的溝通,陳豪覺得言之尚早,大仔才剛升小一,「佢學緊游水,我哋先經歷到佢唔可以再入女廁,變相去完游水要自己識得沖涼,慢慢去學,佢仲係好細個。游水就交畀教練,讀書寫字,特別係中文字就我教,冇辦法,屋企得我一個識中文,起碼學識寫自己個名。」

王浩信與陳自瑤屢傳婚變,他和8歲囡囡關係親密,「我哋個世界都仲係一齊,大家會傾心事,我有時拍戲拍咩都會同佢講,放假時候,我哋會一齊去做運動、睇書、打機,佢學識游水同踩單車都係我親自教。有時佢直情唔小心叫我做Bro(兄弟)。」同樣是爸爸的Bob羨慕不已,他笑指家中4個小朋友經常錯叫他做「媽咪」,令他難免醋意大發,陳豪笑說:「你都好啦叫媽咪,我啲小朋友叫錯我做姐姐,佢哋有時口快快。」

王浩信父女變兄弟 鄭丹瑞睇細女扯爛衫喊驚

旦哥的兩個女兒已經快滿30歲,他向兩位年輕爸爸拋下震撼彈,他說:「我兩個女10歲左右,我老婆就慢慢教佢哋飲酒,你預佢哋15、6歲就開始要去蘭桂芳玩,咩酒都畀佢試吓,畀佢哋知到底係咩。」他直言自己是開通爸爸,細女學鋼管舞都非常鼓勵,直至她表演邀請家人捧場,「300幾蚊,我哋一家三口去,起初都冇乜事,突然扯開衫褲着T-back加Bra Top,我同老婆嚇一跳……完騷就梗係照樣話跳得好好睇,Very Good,表面上冇乜嘢,呢種舞係要咁性感先好玩,我當然照畀佢玩,不過之後就唔會再去睇。」

旦哥透露細女搬出去住,每逢周日會自動自覺回家吃飯,還會帶外籍男友回家一齊打牌。問到王浩信會否能接受女兒帶男友回家的一刻?他嘆氣說:「我而家就係想維持Bro(兄弟)關係,將來真係拍拖都唔好離我太遠,被人Hurt完都返嚟話我知,等我開解佢,唔好自己暱埋。由細細個開始建立友誼,可能將來佢去蘭桂芳會帶埋我呢!」

—————————–

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

—————————–

支持蘋果深度報道,深入社區,踢爆權貴,即Like蘋果專題及調查組FB專頁

Leave a Reply

Your email address will not be published. Required fields are marked *