Thursday, March 4
Shadow

悲劇收場丨麥浚龍開腔否認不和謝安琪暗寸:你好似有保留 – 香港蘋果日報

謝安琪(Kay)最近和老闆麥浚龍(Juno)爆不和,Juno先指摘Kay魯莽令新歌提早曝光,之後Kay被發現取消關注老闆IG,有知情人士向《蘋果》爆料,指Kay令公司損失7位數字廣告代言收入,加上早前Kay突然開設新IG賬號,似想自組山頭為日後鋪頭,合作關係危危乎。

在這風頭火勢之際,日前兩人接受余宜發商台節目《發式生活》訪問,被問到不和傳聞時,雖然兩人口說「關係幾好」,但Kay卻補多句:「眼見咁囉!」問到是否合作愉快?她說:「我覺得冇不和,唔知啲人點諗。」當Juno同樣否認後,Kay笑問他:「你好似有啲保留喎?」Juno回答:「我要答梗係(冇不和)啦!如果唔係點會坐喺度做訪問。」當問到兩人會否各自發展?Juno坦言會有新企劃,Kay卻說:「要諗吓!」

而兩人長達3年的《the album》音樂企劃完結,Kay坦言沒有不捨感覺,「發展得幾複雜,完成晒3年、3張碟咁多作品,我有種功成身退嘅感覺,將呢件事完美嘅交畀大家,我好滿足,好輕鬆,開心呢3年有好多得着。」而最終章「董折」客死異鄉,「浦銘心」徘徊在愛與痛之間,Kay指角色是悲劇收場,笑說:「我人生唔係一個悲劇。」更暗示明年會有新發展,期待有好事發生。

—————————–

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

—————————–

支持蘋果深度報道,深入社區,踢爆權貴,即Like蘋果專題及調查組FB專頁

Leave a Reply

Your email address will not be published. Required fields are marked *