Monday, June 21
Shadow

鍾舒漫姊妹獲友人貼文聯線反擊陳潔玲一敵四回應最後通牒 – 香港蘋果日報

鍾舒漫(Sherman)早前爆出跟圈中人做生意有金錢糾紛,事後爆出原來跟港姐陳潔玲有關,當中還牽涉到Sherman男友、MV導演林灝軒(Steve),事件連日不停發酵,甚至有胞妹鍾舒祺與陳潔玲男友Victor一年前對話鬧爆Steve的聲帶流出,可是其實鍾舒祺和Steve近年已冰釋前嫌,修補好彼此的關係,所以事件上三人已在同一陣線。

今日Sherman在FB揶揄陳潔玲:「雖然不喜歡是非,但不多說不代表無底線任人踐踏,骯髒遊戲。」同時分享了一名友人留言鬧爆陳潔玲:「Sherman係好X好人,但佢唔X係傻㗎,收手啦陳小姐。」鍾舒祺今午再分享撐Sherman的相同網民文章,對方甚至公開給陳潔玲最後通牒再在FB貼文:「陳潔玲,念在曾經朋友一場,畀24小時你,你用一個好嘅方式處理畀番個交代Sherman,你最好令自己好落台。」鍾舒祺也留言:「陳潔玲!我嘅家事我自己處理。唔關你事,你唔好再炒作啦。」

陳潔玲今日回覆《蘋果》時說:「好吧,我出來解釋還鍾舒漫一個清白喇!其實佢係一個心地好好同單純嘅女仔,一直以來同我溝通都好有禮貌,但可能細細個就入娛樂圈,身邊圍住佢嘅都係助手同經理人,佢冇真正接觸過出面嘅世界,冇正式返過一份工,所以唔明白現實世界同人合作加溝通究竟係點樣一回事,做生意真係冇得話嚟就嚟,話走就走。如果係咁,全世界都做生意賺錢喇,我唔同意呢種輸打贏要嘅行為,佢話退出唔做,畀兩個選擇我,一係退錢,一係退貨,咁我答應咗退貨,但退貨前只係簽份協議書,協議嘅內容只係確認佢簽收貨品,同埋雙方都唔可以賤賣貨品,但對佢來講佢竟然覺得唔公平。其實啲產品放咗喺我倉庫咁耐,係有存倉費㗎,過同佢哋解釋佢哋都唔會明。」陳潔玲也不屑Sherman處理手法:「佢口口聲聲話要低調處理件事,咁點解之前又要拍片講俾人呃錢,佢男朋友又做乜要上網公審我,仲要拉到去食人血饅頭,跟住佢妹妹就再衝出嚟有理冇理鬧一餐同抹黑,仲要話我為咗上位炒作新聞,其實佢哋可唔可以用個腦諗吓,佢哋唔做咁多嘢,記者根本唔會走來訪問我。種甚麼因,得甚麼果。佢哋鍾意爆咪爆囉,這是他們的自由,只係我唔明白,既然咁憎我,又話我炒作,點解仲要係咁製造機會比我上新聞。恐嚇同威脅對我來講係冇用的,做生意食四方飯,有咩流氓無賴我未見過。」

—————————–

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

—————————–

支持蘋果深度報道,深入社區,踢爆權貴,即Like蘋果專題及調查組FB專頁

Leave a Reply

Your email address will not be published. Required fields are marked *