Tuesday, March 2
Shadow

周秀娜變纖幼火柴人力保變幻球林德信操肌過後食雪糕飲啤酒減壓 – 香港蘋果日報

林德信、傅穎(Teresa)周秀娜、龔慈恩、杜琪峰等今日在北角為全新戲院揭幕。戲院特別把其中一個影院作為港產片專屬影院,每月都會以「致敬系列」為主題,打頭炮有「致敬社琪峰系列」,放映《大隻佬》、《嚦咕嚦咕新年財》及《阿郎的故事》等,讓觀眾回味經典。

娜姐以一身黑色連身裙現身,瘦得火柴人般,驟眼看起來只有22寸纖腰,娜姐說:「視覺啫,之前拍咗個纖體廣告,想以最fit狀態上陣,運動做機雙管齊下。」現時體重保持100磅以內,娜姐最怕有水腫影響狀態,拍戲時被對手比下去,並笑說:「塊面有肉地,要最好狀態先會顯得瘦啲啲。」幸好冇跌cup,力保不失:「之前買嘅bra都着得到,女人可以變幻無常。」不過早前娜姐在網上曬泳裝照被網民質疑豐滿上圍不見了?她說:「不嬲都咁上下。」稍後推出的纖體廣告會性感出擊。

近日瑜伽中心及健身室相繼受到限制,林德信只好享受戶外踩單車、打籃球等活動,爸爸林子祥則熱愛打高爾夫球, Alex笑說:「佢啲時間好早,四點幾出發,冇可能起到身,佢都費事邀請我,一定知我no 。」近日Alex在互聯網展出多條騷肌片,他解釋:「之前好朋友王君馨邀請我拍MV,有一幕要show上半身,用咗兩個星期操fit,戒口做運動,每日健身兩次,又跑步、又踩單車,好耐冇試過特登keep fit,減肥好辛苦,但成績都幾滿意,所以記錄一下。」Alex現時就像放監一樣,終於可以食雪糕、飲啤酒輕輕鬆鬆。

傅穎今年因疫情留港近1年,12月初會到中國參與聖誕、跨年商演,計劃先到珠海隔離,再到去廣州工作拍戲。傅穎坦承:「今年收入有影響,大家都係,好彩我都唔大使。」避疫期間她忙於拍片上網,熱愛生活,會安排不同節目給自己,目前最重要是找回身上腹肌:「之前同朋友食飯聚會好難控制,隔離期14日可以集中攞返腹肌,煲劇睇節目。」

—————————–

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

—————————–

支持蘋果深度報道,深入社區,踢爆權貴,即Like蘋果專題及調查組FB專頁

Leave a Reply

Your email address will not be published. Required fields are marked *