Monday, March 8
Shadow

周星馳談與于文鳳情侶變陌路:「朋友都唔係喇!」 – 香港蘋果日報

藝人周星馳遭舊愛于文鳳興訟追討投資物業「天比高」等豪宅的利潤分紅逾7,000萬元,案件續審。周星馳接受代表于的資深大狀袁國強盤問時,提到與于的關係,坦言:「我同于小姐嘅關係呢,關係由情侶變成慢慢會淡,之後變成朋友嘅關係,最後個關係再轉差呢,就變咗朋友都唔係喇。」周又稱:「其實佢搵到一個佢喜歡嘅人,我都係戥佢開心。」

袁國強在盤問時向周提及他向于提供的另一筆付款,是關於尖沙嘴加連威老道物業,涉及177萬元。袁引述周的助手Brenda Cheung供詞,就該物業買賣,Brenda曾向于表示于可以選擇要股份抑或金錢。袁問周這安排是否已預先徵得其同意,周同意。

「關係變成一個好差嘅關係」

袁續指,該筆付款於2011年支付,而當時周與于已分手一年多。周隨即表示:「我都唔係好記得清楚係邊一年,準確係邊一年。」

根據周的證人供詞,他表示與于「自1998年起有一段長達12年的情侶關係,關係於2010年3月終止」。袁質疑:「你話畀錢係基於餽贈、禮物,但來到2011年4月,你對于小姐不再愛慕、愛戴。」問周為何仍支付該筆款項。

周解釋時多次停頓思考,最後坦言:「我同于小姐個關係呢,即係關係變成一個好差嘅關係。」他續謂:「我同于小姐嘅關係呢,關係由情侶變成慢慢會淡,之後變成朋友嘅關係,最後個關係再轉差呢,就變咗朋友都唔係喇。」

「其實佢搵到一個佢喜歡嘅人,我都係戥佢開心」

周在證人供詞中提及,兩人的情侶關係於2009至2010年漸走下波,及至2010年3月,于提出分手。而周直至2010年7月見到新聞報道後,才確信于小姐與他已正式分手。

袁直言,周根本毋須在分手後履行這個基於情侶關係所作的承諾,問為何仍於2011年支付該筆177萬元款項。周表示:「其實呢,我再講多次,當時我覺得呢個贈送嘅承諾主要係建基於大家開心,雙方嘅關係良好。」

周又指:「當我知道于小姐有新嘅男朋友時,我當然明白佢哋情況,但係我記憶所及,雖然係咁,但係我哋嘅關係,依然都仲維持好朋友關係。」周並謂:「其實佢搵到一個佢喜歡嘅人,我都係戥佢開心。」

「你女朋友話『我等錢使呀』,咁你咪畀咗佢先囉」

此外,文件顯示,于文鳳於2007年10月發電郵給周星馳的胞姊周文姬,欲索取關於荊威廣場物業買賣佣金;即使物業未賣出,但于自言「需要錢」。周文姬問准周星馳後,同意根據物業市價給予她利潤,總值126萬元。周星馳今謂:「大概記得有件咁嘅事,但細節、好多對話我係模糊嘅。」

袁指出,既然物業未賣出,則不符合賺錢後分成的餽贈承諾,為何預先支付這筆錢?周謂:「但係如果我依家睇返,你女朋友話『我等錢使呀』,咁你咪畀咗佢先囉。」

袁又問,為何作為男朋友的周在金錢上協助女朋友,需要將此與物業利潤分成掛鉤?周說:「有可能我都有問佢點解呀,但呢啲細節我都唔記得,就係咁樣。」當物業於2009年賣出後,周再支付于54萬元分成。聆訊下午繼續。

【案件編號:HCA1584/12、1243/17】

—————————–

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

—————————–

支持蘋果深度報道,深入社區,踢爆權貴,即Like蘋果專題及調查組FB專頁

Leave a Reply

Your email address will not be published. Required fields are marked *