Sunday, February 28
Shadow

婚宴受阻準新郎:政府食屎啦 – appledaily.com

【本報訊】政府新一輪防疫措施導致新人計劃被打亂,即將結婚的準新郎大罵「政府食屎啦」,批評措施極度混亂,「咁個場分隔兩邊,每邊40人又得唔得?」有樂隊則斥責政府防疫措施「好求其」,一刀切全禁現場表演,令表演者生計大受打擊,下月多場婚禮和餐廳表演無奈暫停。

樂隊主音轟防疫「好求其」

將於周日結婚陳先生(化名)原已宴請近百名親友,惟政府昨宣佈宴會上限40人,「𠵱家狀況企咗係度,酒店未覆我有關場地安排」,預期會將婚宴延期,但當日仍進行結婚註冊儀式。他無奈說,婚禮已經準備好,並已向酒店付七成訂金,「轉一轉(延期)唔知會唔會加錢」,估計損失金額達五位數字。陳先生續指,其婚禮場地本身可容納300人,「咁個場分隔兩邊,每邊40人又得唔得?」批評政府政策極度混亂,反問「點解觀禮可以50人,宴會只得40人,好似(政府)諗到乜就做乜,九唔搭八」,大罵「政府食屎喇」。

表演者亦大受打擊,樂隊Wkend主音Darren說:「今年係好年,年尾係旺季,本身好多婚禮同Party、酒吧表演,𠵱家一下子暫停。」自蘭桂坊爆發染疫群組後,政府隨即禁止現場表演,樂隊收入大減,「比起上年少咗六、七成,有樂隊成員主要靠表演為生,收入冇咗七至八成」。他批評政府一刀切禁現場表演,但未有顧及業內人士生計,「好似我哋freelance乜都冇(補貼)」。

Darren又斥政府防疫措施「好求其」,「點會係第三波後會放內地港人免檢疫返香港,好似唔理喺香港嘅人,特登畀呢批人返嚟」。然而,政府頒佈防疫條例,但卻執法不公,「條街仲好多人除口罩食煙,講就講得好聽,執法上就只係針對某一啲人」。

Leave a Reply

Your email address will not be published. Required fields are marked *