Monday, March 8
Shadow

林建岳前妻謝玲玲確診武漢肺炎承認曾接觸跳舞群組朋友 – 香港蘋果日報

本港第四波武漢肺炎疫情惡化,涉及跳舞群組的確診個案至昨日已增至80宗。原來林建岳前妻64歲的謝玲玲也牽涉其中,她的一位跳舞群組朋友已確診,謝玲玲本人經檢測後也確診武漢肺炎。謝玲玲今日發出聲明,澄清並非跳舞群組,只是接觸過參與跳舞群組的朋友。

《蘋果》聯絡謝玲玲,在電話中聲線夠氣、精神不俗,她透露身在醫院接受觀察:「醫生現在觀察緊,照咗肺冇花,暫時冇用藥,而家係初步確診,身體暫時OK。」

愛跳舞的謝玲玲表示,未有去過近日爆發的Starlight Studio舞室跳舞,自己與老師在另一間舞室上堂,不過最早在此舞室確診的闊太吳汪靜宜是相識多年的朋友,她續道:「我識咗佢幾十年,呢排疫情爆發,呢個圈子咁細,好多係呢個群組嘅朋友都識得,會見面,希望大家都無事,疫情快啲過去。見到佢哋呢個新聞都好擔心,全世界周圍都有,所以我都去驗,make sure自己有無事,我18號驗時都係negative,噚日再驗陽性。」

謝玲玲稱現時獨住,確診後已通知仔女、工人、司機及跳舞老師去做檢測,全部都是negative,「自己不嬲每個星期都驗,因為仔女佢哋返工有慣常驗開,所以都安排咗我每星期驗,亦有安排人收取樣本去化驗所。」

聲明如下:

「本人謝玲玲首先感謝各大傳媒及所有記者朋友關心,有鑒於今日有傳言指本人確診新冠肺炎,於11月18日,本人得知有份參與跳舞群組的朋友確診新冠肺炎,為了預防及盡公民責任,本人進行第一次檢疫測試,檢驗結果為陰性。而於11月21日,因疫情漸趨嚴重,本人為家人及大眾著想再進行第二次測試,於11月22日得知確診新冠肺炎,現正在醫院接受治療,但沒有任何病徵。

本人亦希望就此作出澄清,本人並沒有參與Starlight跳舞群組,進行檢測全屬為家人及大眾健康着想。再一次感謝各位傳媒朋友關心,若有進一步消息我必定會跟大家報平安!」

此外,熱愛跳舞的金燕玲,也捲入「跳舞群組」名單中,有報道指金燕玲是跳舞群組成員之一,蘇施黃接受《蘋果》訪問,代其密友金燕玲澄清並非該群組。蘇施黃解釋為安全起見,金燕玲都去做檢測,結果為陰性,蘇施黃續道:「金小姐係獨行俠,唔去嗰啲Party,淨係自己去學跳舞,冇中招呀!Very good呀!佢都有去驗咗,因為我哋E座都有3個確診,所以我哋同埋工人一齊去驗,大家都negative(陰性),佢暫時冇事,不過佢老師驚住見過啲咩人,佢自己都留喺屋企唔出街住。」

—————————–

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

—————————–

支持蘋果深度報道,深入社區,踢爆權貴,即Like蘋果專題及調查組FB專頁

Leave a Reply

Your email address will not be published. Required fields are marked *