Saturday, March 6
Shadow

劉俊謙《幻愛》爭金馬新人輸畀陳妍霏唔覺失望:我賺咗個女朋友 – 香港蘋果日報

劉俊謙憑《幻愛》提名台灣第57屆金馬獎「最佳新演員」,最終敗給《無聲》20歲台灣女新人陳妍霏。賽後金馬執委會執行長聞天祥講解評審團決定,討論主要圍繞劉俊謙及陳妍霏的演出,但最終認為陳妍霏無須語言輔助,只以肢體與表情已呈現出極為複雜的受害者表現,讚賞她極具潛力,結果令劉俊謙飲恨。

劉俊謙今晚在圓方出席電影《一秒拳王》首映禮,提到金馬獎敗給陳妍霏?他坦言沒失望:「對方係20歲素人,小妹妹演出呢個角色,佢拎獎資格適合啲。我演戲咁多年,知道佢為咗今次冇對白嘅角色學習手語,喺冇對白下做得好好。雖然拎唔到獎,但我有安慰獎,贏咗個女朋友(蔡思韵),而且《幻愛》得到好多肯定,由首日上映18萬票房,到而家已經衝破1,500萬。」

劉俊謙表示昨晚和女友及一班朋友一齊睇直播,女友更買定蛋糕,說得獎與否也應慶祝。提到編劇曾俊榮在台上分享時叫香港加油,他說:「見到台灣電影發展得好好,香港(電影)低迷又有好多問題,圈中前輩後輩冇工開,想同香港電影講聲要努力,未來希望寫一個新時代出嚟。」

—————————–

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

—————————–

支持蘋果深度報道,深入社區,踢爆權貴,即Like蘋果專題及調查組FB專頁

Leave a Reply

Your email address will not be published. Required fields are marked *