Monday, June 21
Shadow

駱胤鳴過大禮收花膠瑤柱憂疫情反覆婚禮有齊ABC Plan – 香港蘋果日報

現年29歲的SIS樂印姊妹成員駱胤鳴,與拍拖逾5年的男友Kelvin將於12月27日拉埋天窗。今日是過大禮的日子,駱胤鳴在IG分享喜悅,留言:「全世界講一次恭喜!」

一對準新人為應節,穿上紅噹噹的服飾,駱胤鳴感激一班兄弟上來湊熱鬧:「唔該晒一班兄弟上嚟氹到未來外母咁開心,雖然未上門前,我媽同家姐勁緊張,我又唔知要緊張啲咩,但喺房入面聽到你哋好開心熱鬧,真係好想衝出去~~~好啦,又完全一大儀式,不過我開始擔心第時嗌交,外母一定企喺女婿嗰邊。」

駱胤鳴加了多個hashtag,搞笑地自問自答:「我媽多咗個仔,佢勁開心,呢個女婿地位好高,奶奶話要留最大嘅花膠畀我阿媽,乾瑤柱歸我,係呀,我成日當乾瑤柱係零食,女係貴養㗎啦,辛苦呢位女婿賺多啲錢買零食畀我,第3幅圖係提醒吓我隻手好吉,爭啲金戒指呀金手鈪呀,我有耳洞㗎都,順利完成過大禮,但仲未印帖,慢慢嚟唔洗緊張,我會慢慢派㗎啦!」

胤鳴原計劃註冊後筵開30席,但近日疫情反覆,亦擔心影響婚禮細節,她今日回覆《蘋果》說:「我哋原定12月27號由出門直落到晚宴,但疫情太反覆,所以都好頭痕,酒店出門嗰part又怕staycation群組,我哋都要跟政府嘅政策去計劃,目前已經有齊Plan ABC,連最worst case都預計好,cut得嘅都cut咗先,簡簡單單,希望到時候低調而健康咁完事。」

—————————–

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

—————————–

支持蘋果深度報道,深入社區,踢爆權貴,即Like蘋果專題及調查組FB專頁

Leave a Reply

Your email address will not be published. Required fields are marked *